曾經帶領美國男籃贏過兩次奧運金牌同一次世錦賽冠軍嘅科錫維斯基（K教練），喺上年倫奧奪金之後講過打算唔再教，但佢任教嘅杜克大學喺周三證實，K教練已經改變初衷，決定繼續教美國隊，將會領軍出戰明年由世錦賽改咗名嘅世界盃，以及2016年里約熱內盧奧運。勒邦占士同比歷克格芬等一班NBA球星，知道消息後都紛紛表示支持。