商交所因財困冚旗，商交所主席兼「首席梁粉」張震遠要暫停公職，此時此刻，心情最靚嘅，會唔會係「前忠實梁粉」劉夢熊（左）呢？華華噚日朝早十點，喺中環一間快餐店，見到尖啤同東方明珠（632）主席黃坤（右）喺度撐枱腳飲嘢，兩人神態自若，尖啤細聲講，大聲笑，唔知係咪傾緊張震遠單料呢？可惜佢哋好快起身走人，想追訪都追唔切。