中環在線：
讚阿仔青出於藍　胡應湘放心晒 - 李華華

合和實業（054）太子爺胡文新（Thomas）喺公司做咗14年，基本上已經接棒，阿爸胡應湘輕鬆好多。合和噚日召開股東特別大會，好耐冇同傳媒傾偈嘅胡應湘仲大讚Thomas青出於藍，佢老人家萬事放心咁話。
胡應湘原先開完股東會就即刻鬆人，等Thomas同傳媒傾多兩句，點知佢突然折返，笑住話要同Thomas合照畀大家交差，指住阿仔讚佢青出於藍勝於藍。胡應湘影完相就閃，Thomas亦以趕住開會為由好快鬆人，唔知係咪怕俾人問佢哋有冇借錢畀首席梁粉張震遠呢？
舊年3月特首選舉前，胡應湘兩仔爺被發現密會CY，CY當選後Thomas又現身謝票大會，明顯係梁粉，佢哋唔想評論張震遠呢單嘢都好易理解嘅。