鄭融噚日喺銅鑼灣宣傳新歌《爆》，大會收集歌迷嘅相嚟玩遊戲，優勝者除咗有香薰產品禮物，鄭融仲會親自為幸運兒按摩，佢話：「我會幫優勝者按肩頸，平時都鍾意幫人按摩。有幫過媽咪同工人按。」
自言有按摩天份嘅鄭融反為好少幫男友按摩：「都有幫佢按，不過最多都係幫佢按吓手指。」
鄭融表示想學有關呢方面嘅技巧：「我有諗過退休去學按摩。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！