來到第六集，大隻佬及平庸男角、黑人諧星和不特別漂亮的女星（唯一靚啲竟然要死），統統都係老臨，中段故事拖泥帶水，有足夠廁所位。至於全片主角：車，真係好睇到不得了，倫敦飛車固然精采，飆過著名地標正到爆，速度感一流，勝過年初《虎膽龍威》片頭的莫斯科車戰。大奸角造型古怪，連座駕也非常有趣，到後來坦克大戰名車，再到飛車拖冧軍用運輸機，超越一般飛車場面，只要暫時忘卻你的物理常識，今集任何一個飛車場面，都會嘆為觀止。如果減少齋talk場面，刪減大量粗野有餘卻觀賞性不足的打鬥場面，再加一兩場有關飛車的戲，我會畀夠四個Like。
張居
★★★
（5個★為滿分）