將於7月做爸爸的陳小春自從得知太太應采兒（丁丁）懷有「小春子」後，頓變廿四孝跟得丈夫，不過原來他早前撇下丁丁與老友鄭伊健到澳洲拍旅遊節目，此行他更不顧危險，大膽挑戰多項高危玩意，認真斗膽。
早前小春和伊健飛赴澳洲拍攝網上旅遊片，將於9月推出。小春今次有伊健陪同，更放盡來玩，跳傘、潛水和衝浪等全都不放過，小春玩水上噴氣式飛行器Jetpack時飛行的一幕似足Iron Man，令小春興奮得直呼過癮。之後他又到大堡礁盡情享受潛水之樂，又玩空中跳傘，可謂玩轉澳洲，難怪令安心養胎的丁丁羨慕不已，更寸小春說：「明明就係去玩嘛。」
樹熊請食檸檬
小春到達澳洲後第一時間撲去睇「澳洲國寶」樹熊，不過他慘食檸檬，樹熊一見到他就轉身，擺明嫌棄小春，雖然如此，小春表示此行玩得很開心，他說：「我一直都鍾意有挑戰性嘅運動項目，今次又可以睇靚景又可以挑戰自己，玩得好開心。平時工作好忙，好難抽時間去旅行，今次邊工作邊旅行，真係太爽。」
撰文：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！