（樂）曼城同車路士大半隊去咗美國掘金，球員都係懷住放假嘅心情去，好似施治就喺酒店玩吓音樂；佢戴住副眼鏡打鼓，斯斯文文，睇落幾有才華咁。至於傳媒嘅焦點仍然喺英國，贒實兩隊幾時宣佈新領隊。英國《每日星報》就實牙實齒，話摩連奴會喺6月2號到倫敦同車路士簽約，為期4年，周薪高達25萬鎊（約292萬港元）。雖然官方未公佈，但車仔球員都當作摩帥係新領隊咁濟，繼林柏特同泰利呢啲元老後，桑馬達都出嚟歡迎摩帥，話佢係世界上其中一個最好的主帥。
曼城方面，比歷連奴接任領隊嘅呼聲高唱入雲；曼城行政總監蘇利安奴已向佢下指令，要求球隊下季踢漂亮足球。而曼城同紐約洋基將會合作搞間新嘅美職聯球會，叫做紐約足球會；佢哋已經搵咗踢過曼城嘅美國名將雷拿出任足球總監。