賭王何鴻燊千金何超雲早前與陳山聰分手成熱話，昨日三太陳婉珍以東華主席身份出席在北角新光戲院舉行的《南唐李後主》粵劇晚會記者會，同場還有蓋鳴暉、吳美英及何超蕸等。三太被問女兒超雲現時心情？她說：「問番佢哋啦！」有否給超雲感情意見？她說：「佢識諗，唔使我畀意見。」有指三太反對超雲和陳山聰拍拖？她說：「係你哋講啫。」知否現時陳山聰被指經濟差？三太稱不知道，剛從美國出席兒子猷啟畢業禮返港的她說：「乜都唔知，𠵱家個人仲遊緊雲。」
問三太可會反對超雲與山聰復合？她表示無得反對及贊成，亦不知有傳假分手一事。三太表示今次東華是為腦退化症籌款，屆時三子女也會出席該粵劇晚會，她又稱現時賭王身體不錯。
採訪、攝影：溫敏芝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！