不少朋友說起滙控（005），都認為從投資角度而言，CEO歐智華過去幾年係交到功課。畢竟環球大放水，令低息環境持續，這宏觀形勢非他所能控制，削減成本是短期最有效刺激股價的方法。不過，有朋友就提出一個有趣的觀察，他覺得歐智華本人「好唔HSBC」：「佢應該轉行去做Private Equity（PE）好啲。」
PE通常委派一名turnaround manager到處於危機的公司，任務只得一個，就係要在最短時間內，迅速執靚盤數，等PE股東賺最多錢走人。所以一名好的manager，最緊要無愛無恨，斬纜的斬纜，炒人的炒人，完全當切菜炒餸一般零負擔。不過，PE始終只是過客，唔會同間公司做人世，所以投資者對PE套現的IPO，往往存點戒心。就是擔心PE的短視，其實損害了公司長遠的盈利能力。
有朋友就講笑話，滙控早已瘦身瘦到變象仔，但下一個三年仍要用削成本呢招，他個人就擔心日後滙豐要淪落到喺自動櫃員機申請按揭囉。歐智華非常着緊股價，似乎仍想證明滙控仲係一隻增長股，而非單靠派息、專注效率的收息股。不過，如想獲調升估值，其他花招不太管用，只有尋找新收入增長點方為正途。
海迪