（樂）巴塞隆拿喺今季重奪西甲冠軍，但季後換血似乎勢在必行。盛傳巴塞想斟巴甲山度士嘅巴西新星尼馬過檔，成唔成到事就仲未知，但巴塞嘅美斯對呢單轉會就表態：「我唔知道尼馬會唔會真係加盟，但佢有能力將效力球隊提升至更高層次確係事實，佢一定會係好有用嘅新力量。」球王都舉腳贊成，巴塞可以放心做嘢啦。