之前變成鴨餅嘅黃色巨鴨，前日終於游番去尖沙嘴。除咗一眾追鴨族高興之外，九倉（004）股東亦應該非常高興，事關巨鴨歸位，竟然刺激九倉股價噚日逆市升近兩個巴仙，創埋上市新高，收報78.4元，市值升至2,375億元，喺藍籌地產股中，僅次新地（016）同長實（001），呢個「巨鴨效應」認真唔講得笑。
噚日天氣雖然唔好，黑雨過後，仍然有雨落，但華華從金鐘遙望過去尖沙嘴，仍然好清楚咁睇到隻巨鴨喺度游水。
9號之後Bye Bye
巨鴨展出至下月9號，希望佢呢兩個星期保持狀態，唔好又漏氣要番廠修理啦，佢帶畀香港人好多歡樂㗎。