【人口老化】
惠理的強項一直在於公司研究方面，所以揀股未必考慮板塊所在，蘇俊祺強調，「冇特登睇好乜sector，但我可以講俾你聽基金揀完之後，乜sector持有較多，分別係醫藥股、B股，工業出口股，同埋消費股」。
他指，中國經濟轉型，以往靠出口、金融帶動，未來可能在醫藥或服務業，增長會比GDP快。「我哋用GDP做benchmark（指標），未來十年有乜股票增長比GDP快，醫藥股未來三至四年增長都會比GDP快」。
蘇俊祺解釋，醫藥股增長快過GDP原因是人口老化，加上醫藥保健僅佔GDP的5%，跟美國的一成相比仍偏低。
他又指，醫藥股市盈率（PE）估值13至14倍，略高過市場，但相信未來發展潛力仍未被反映在股價上。他又指，A股、印度、泰國等，區內很多醫藥股都是20倍以上，盈利增長平均逾一成的內地醫藥股，相對估值便宜。
內銀股受政策牽制
內銀長線則未必太睇好，他指出，經濟及政策上，內銀有一定隱憂，例如利率政策，「息差政策賺取嘅係暴利，開放利率後嘅利潤水平會較現時低」，又指，壞賬未必會出現，但仍存在風險，令估值永遠都不會高，長線問題無法解決。
不過，蘇俊祺指，短線則充份反映上述消息，「只要經濟好少少，解決結構性問題，例如四大銀行1.15倍PB（市賬率）係偏低，可以重上1.3倍較正常水平」。