無綫近年面對嚴峻難關，不少藝員被挖角，連鄧萃雯也直斥拍《金枝慾孽貳》時沒劇本，無綫助理總經理區偉林為定軍心，昨日在逾三百藝人面前宣佈訂立新制度，由明年開始，所有劇集開拍前要準備好八成劇本，並盡量給演員八小時休息，他又呼籲舊同事回巢無綫。
有指雯女言行觸怒無綫而遭封殺，被飛出曾志偉監製的新劇《Aerobic Girls》，區偉林否認封殺：「唔好用呢啲字眼，但有意見唔應該利用傳媒去表達，要注重團隊精神。」樂易玲說：「雯女要拍內地劇，好早推咗志偉部劇，冇隔夜仇，有啱角色都會用。」雯女昨日透過經理人表示不回應，但據知雯女因檔期問題推掉志偉新劇，想不到兩件事被混為一談。
另外，有傳黎耀祥主演的《巾幗梟雄之諜血長天》被飛出台慶劇，祥仔說：「唔關我事，從來冇聽過係台慶劇。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！