【本報訊】荃灣麗城花園萬有街市已有20多年歷史，以又平又新鮮見稱。商戶不甘被迫遷，在街市內掛滿「血本無歸」的血紅橫額，租戶亦穿上紅字T恤痛斥業主無良，經營了10多年的豆腐店老闆李先生，穿起「還我公道」T恤自豪地說：「我哋一包腸仔賣11個半，超市賣16蚊，邊夠我平？」
經營了15年的舊式飯店「順昌海鮮晚飯」老闆許先生，早午均到魚檔搜羅生猛鮮魚，「老街坊我個個都當係屋企人，個個嚟食飯有傾有講」。他說，想不到當年捱得過沙士，現在卻不敵大財團，他最擔心是一旦失去店舖，九位在該店工作了10多年的老夥計會失業，他亦不捨得與一眾街坊分離。
記者在萬有街巿內，聽到不少街坊對街市迫遷重建表現不捨。理大學生阿樂直言：「唔開心，呢度選擇多又平，20幾蚊已食到一餐。」街坊洪太則擔心，如果街市變成大型超市，價錢貴之餘，新鮮程度亦較差，「我覺得係地產霸權，心理上唔想幫襯，但實際上焗住要幫襯（超市）」。