薛家燕昨日以惜食天使身份在將軍澳出席「惜食傳愛心」記者會，大會透露將與惜食堂合作向有需要的人提供免費飯餐，家燕姐呼籲大家不要浪費食物，她說：「我教小朋友食唔晒就要打包，如果剩一嚿燒賣，我會食埋落肚，所以肥囉！」她又希望酒店及街市支持這個行動。
對於近日有傳陳豪和女友陳茵媺奉子成婚，家燕姐說：「話有咗？係咪真？我嗰日喺新城訪問陳豪，佢媽咪都有嚟，我唔知係咪迎接喜事。」記者表示有傳陳茵媺返加拿大待產，家燕姐即笑說：「係咪接佢走呀﹖如果係真就恭喜佢哋。」
採訪、攝影：黃曉妍
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！