已為人母的楊千嬅近日不時大談湊仔經，一副有仔萬事足的模樣，有指劉德華豪花二億買私人飛機護妻女遊世界，千嬅昨日到金鐘接受王賢誌主持的now節目訪問時笑說：「問華哥借得唔得？我冇咁多錢買飛機。我諗佢係business緊要啲，唔只係去旅行，我會做番自己習慣嘅嘢。」她指華仔有自己的社交圈、有自己的朋友及親戚。
「個仔頭髮似靜電」
腳傷初癒的千嬅昨日仍穿上5吋高踭鞋，她自爆剛剛連行路都有陰影，要扶住一步步行似足如妃。千嬅表示自己不懂處理被人影，加上經常不修邊幅，所以都是做回自己，她直言囝囝Torres被偷影也無法介意，她說：「最緊要唔好騷擾學校，我會教佢接受呢個事實，要教佢有禮貌先。我最介意影得唔靚，我影相放上網，影得唔好會俾老公勁鬧，話個仔啲頭髮好似靜電咁，可唔可以角度唔好咁。」
「似我EQ都OK」
丁子高本身是公關，所以囝囝遺傳到其健談性格，問到千嬅囝囝似老公會否不開心時，她笑說：「如果似我EQ都OK，男仔似爹哋都好冧，不過老公都叫我唔好咁癲，驚我個人太專注個仔會唔平衡。」千嬅又說老公一早提議，囝囝鏟走頭髮會長得更好，笑指她令囝囝的頭髮似靜電，受辱了一年。
採訪、攝影：溫敏芝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！