教育局前局長孫明揚退出熱廚房後，成個人生猛晒。孫太噚日出席科大活動透露，孫公𠵱家好enjoy life，日常愛到公園散步，又同兩個孫仔捉棋為樂，生活不知幾寫意。孫公不嬲好識食，除咗繼續鍾情何鴻記雲吞麵，仲day day下午茶搵好嘢食。問到孫公有冇肥到？孫太話老公受腎病病情影響，要小心飲食，唔可以肥㗎，𠵱家病情好穩定，孫太仲鼓勵老公多啲做義工。
出席同一活動嘅莎莎老闆郭少明夫婦，捐咗500萬畀科大做中風治療研究。自爆曾通波仔嘅郭少明強調唔只女人要保養、男人都要，尤其要保持健康身體，咁先可以令人外表更young喎。