墨西哥國家隊公佈咗參加洲際國家盃嘅23人大軍名單，大部份球員都係嚟自國內聯賽，最出名嘅外流兵有華倫西亞翼鋒古亞達度、馬略卡前鋒杜斯山度士，當然仲有曼聯射手查維亞靴南迪斯（小豆）；小豆46次代表墨西哥，攻入30球，入球率非常高。墨西哥會先跟尼日利亞拍跳，之後就會參加洲際國家盃；佢哋被編入A組，同組對手有巴西、意大利同日本。