【本報訊】日本零食店新丁759阿信屋以廉價搶客，老行尊卻不看好，認為阿信屋在走裕記舊路。在觀塘經營日本零食店24年的辛先生指，一直透過本地代理商取貨，但從不配合建議零售價，「冇人可以左右我定價！賣唔去嘅我就賣平啲，取長補短，最緊要唔好過期」。多年前未雨綢繆買入舖面，不用為交租惆悵，可薄利多銷，最大籌碼是款式夠多，「（超市及阿信屋）肯定冇我咁齊」。
阿信屋被指是新霸權，他不認同，「做生意冇絕對霸權，冇話邊個搶咗邊個」。反而阿信屋不惜工本以廉價掛帥，部份貨品更以蝕本價清貨，加上不停擴張卻不買舖，租金頓成隱憂，「兩年啦，兩年後你睇吓佢點」。曾經風光的裕記前車可鑑，「一樣係咁開分店，結果𠵱家冇咗啦」。
阿信屋老闆林偉駿則認為，小店與他們的經營模式不同，可考慮引入外地「手信」，或仿效日本中小企，幾十間公司組成「商圈」，聯手向廠商入貨，爭取更好來貨價，同樣可生存。