歌手「男人頭」自視過高，好多工作人員都唔鍾意同佢合作，頂佢啲臭脾氣唔順，加上佢自以為係天后接班人，成日擺起個巨星款，原本佢有個情同姊妹嘅助手「幫手」，但係幫手好醒，知道邊度先有好路數，所以就乘機埋咗「瘦骨仙」同男友嗰邊，跟住「女人型」搵食，女人型叫佢專心湊「細細」，咁幫手梗係出盡精力時間嚟湊啦，點知就冷落咗男人頭，男人頭表面扮冇嘢，但個心就十級咁嬲，有一次慶功宴，男人頭喺現場笑笑口咁勁寸幫手𠵱家唔理佢，搞到幫手好鬼尷尬，成塊臉紅晒。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！