未雨綢繆其實係好事，好似皇家馬德里咁，一早準備定架開篷巴士，噴定晒19次冠軍等圖案，如果上周五西盃決賽擊敗馬德里體育會，就可以即刻作巡遊之用。點知人算不如天算，皇馬加時輸畀馬體會，呢架巴士當堂成為笑柄，皇馬仲唔識收埋佢，搞到畀別有用心嘅馬德里市民影到相仲放上網㖭，皇馬今次真係畀人笑到面黃嘞！