「肥安」安察洛堤剛替巴黎聖日耳門（PSG）拎咗法甲冠軍，或者覺得「無敵是最寂寞」，就公開向會方要求離隊，話已經同會長同總監李安納度講，希望可以離開，不過就要等佢哋回覆，其實都係傾緊解約賠償問題啫。肥安嘅去向大家都知，就係想過皇馬，咁佢嘅愛將伊巴謙莫域呢，連續兩屆獲選為今季法甲最佳球員，肥安如果真係去皇馬，帶埋伊巴再戰西甲都好喎。