周秀娜昨日首次穿上和服在觀塘為快餐店新食品宣傳，適逢明日（22日）是娜姐28歲生日，大會特別製作巨型雞包為她賀壽。談到生日，娜姐笑言：「仲係2字頭，未到30！」與男友陳偉成（Avis）分手後首個生日，豈非很lonely？她即說：「唔係lonely，係single，都慣咗，年年生日都工作，幾享受𠵱家，今年仲突然多咗好多人約我食飯慶祝。」
期望搵男友
問娜姐是否有很多追求者？她笑說：「好呀，我都好期待有驚喜。」娜姐又謂若有追求者約會，必定應約，亦期望搵個男友，但要看公司會否放人。
對於Avis剛於17日生日，娜姐坦言現在已各有各生活，問到有否跟他講生日快樂？她說：「都知嘅，唔好諗係單身生日，單身都有自己開心時間，幾享受吖。單唔單身都唔係生日至快樂。」但承認沒有發短訊祝賀Avis。
而與娜姐分手、首過單身牛一的Avis昨在電話中說：「冇女朋友陪，但同咗父母家人食飯，再同朋友飲嘢，我希望明年生日又有女朋友，又有屋企人。」
採訪：卓寶花、比華利
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！