【本報訊】超市氣燄已非朝夕，九龍醬園第三代傳人黃國輝的爸爸，早已領教。他爸爸早年為超市供貨，但屢屢受氣，有次超市高層來電要他爸爸趕到超市，「我哋話食完飯搞掂佢啦，但佢話唔得，即刻嚟，你嘅招紙甩咗，如果唔即刻嚟，將你哋啲貨掃晒落架」。士不可辱，賣豉油的也不可。黃早前接受本報訪問時曾說：「爸爸話佢哋講求量，但我們要用質。你唔好靠超級市場，終有一日佢會嚟搵你。」九龍醬園的豉油絕迹超市，但仍有熟客專程到中環嘉咸街「索」油。
之後如老爸所料，「Citysuper嚟找搵我攞貨」，他說也不收取上架費，「我唔夠人手做，佢哋仲幫我整個貨架好靚㖭」。一年輕買手叫他感動，「佢話我唔識你哋㗎，但我阿婆阿媽都用嘛。」他也以低價批貨給九龍一些雜貨舖。
以辣醬馳名的余均益也不屈於超市，因超市操控價格，不准雜貨店醬料較超市便宜，故已與超市「分手」。