「儍家」啲女個個都係風頭躉，有錢又靚女，新聞多多，好似前排「嬌玲」唔舒服真係我見猶憐，不過閉關幾日好快又冇事。大家見到嬌玲好似好柔弱咁款，原來唔係咁㗎！關仁個朋友有次見到嬌玲喺銅鑼灣街頭等司機嚟接，點知司機架車因為俾警察趕，要兜圈再返，嬌玲等到唔耐煩，唔理企喺街都爆晒粗，咁啱嗰陣有狗仔跟緊佢，佢竟然打畀狗仔隊嘅高層，叫佢叫啲夥記車佢返屋企，最後佢司機雖然趕得切返嚟接佢，但已經得罪咗小姐，之後就再冇出現過。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！