路是自己選擇，命運卻不能自主，鍾麗緹思想前衞，毅然結婚生女，事業一落千丈，她說 ：「我十幾年前最紅嗰時，個個唔知我點解去生BB，因為喺香港好寂寞，我family喺加拿大，我喺度拍戲幾年，我係好family嘅人，嗰時冇諗會影響大家嘅諗法，人哋荷李活停咗十個月，仲fit過以前返嚟拍戲，但係我……𠵱家我見到好多女人，小S、靚靚、楊千嬅及陳慧琳一路keep得好好，好健康，如果我係觀眾，你生咗B，有家庭，有穩定生活，會放心請你拍戲，成日見你飲酒，好似唔可靠，咁樣嘅artist OK啲嘛！」
Chirsty正向成功的靚媽群進發，活得精采、健康美麗和事業有成，最近在電影《瘟泉》擔正做女主角，Christy渴望可以演繹更多不同角色，特別是醜角：「我知我好靚，好sexy，人哋見到我性感，神經角色唔會搵我，以為我唔想做，以我嘅人生經驗，對我演內心戲好有幫助，好想做啲核突同醜角色。」
場地：港島海逸君綽酒店
化妝：王奕為（ON TIME）
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！