因產孖B女而闊別滑浪風帆比賽差唔多一年嘅陳慧琪，噚日喺赤柱嘅體育節風帆賽復出，身材仲鬼咁fit。佢話𠵱家仲餵緊母乳、又瞓得4、5個鐘、又操船，由生完嘅72公斤，減到64公斤。目前佢最煩係9月要出戰仁川亞錦賽，到時要離開孖B一段時間。噚日場女子組米氏板比賽，慧琪以兩場第1、一場第2，暫列第1名，今日會賽最後兩場。