遠大中國（2789）拍埋同業遠東環球（830），平咗大大截，買！遠大主打祖國幕牆業務，去年度純利4.4億銀人仔，得9倍PE，遠東環球見紅，係冇PE。又遠大去年收入高達185億銀，係遠東環球11倍，講晒士，贏開巷，而嚟緊日子，遠大食住城鎮化條水，長賺長有。係咁意計數，遠大本年度純利增長40%到6.2億銀，預測PE得番6倍。睇彭博綜合預測，遠東環球睇今年度預測PE，高達50倍，若覺得遠東環球抵買，咁遠大係超級抵！又遠東環球啱啱喺上星期四創新高，股價半年急升咗1.2倍，遠大同期係未郁過，集團就算翻一番到1.67元，預測PE不過12倍，未有耐追到遠東環球。同樣炒城鎮化，遠大平成咁，一有基金昅中，股價分分鐘可以放紙鳶。
賭股旺 海王可博
海王（070）往績PE得兩倍，而13年半年度，純利增長咗26%，到1.76億元，又澳門今年1月到4月博彩毛收入增加14%，到1,136億銀。澳門賭業暢旺，海王盈利嚟自中介博彩業，繼續靚仔，預測PE分分鐘跌到得1字頭單位數。而龍頭賭業股相繼創新高，板塊有勢，博海王翻半番到0.25元，預期PE繼續超級低殘。
錢雋