張可頤在《金枝慾孽》扮演安茜一角，角色討好劇集口碑佳，但因可頤過檔王維基的香港電視，無緣拍續集。可頤昨日在九龍灣出席高皓正的《與神見面》新書簽名會，周永恒一家四口亦有撐場。
對於好友鄧萃雯不斷抨擊《金枝慾孽貳》，又與編審周旭明隔空罵戰，為免捲入是非中，可頤聲稱無暇睇電視：「我見過雯女一次，冇乜點提呢件事，我有個朋友喺美國嚟，我要做導遊，冇乜時間睇電視，但有留意新聞。」對冇劇本要飛紙仔問題，她亦避重就輕說：「我記性差，老人癡呆唔記得咗，不過每個劇都一定有飛紙仔問題，我資歷深做得耐，睇劇本快。」劇本對白深是否需要時間作準備？她說：「絕對明白一個演員嘅出發點，希望喺專業範圍內消化到，最重要盡力做好本份，對得住自己同觀眾。」
可頤認為每部電視作品不可能滿足所有人，亦不是甚麼大事。可頤讚雯女工作好認真，自己亦曾為拍劇與人爭拗，但病癒後學懂放下，她說：「我都拍過收視低嘅劇，但𠵱家化咗，做人唔好太執着，點都好，人生唔止一次比賽。」問香港電視幾時發牌？她說：「我接收到嘅訊息好正面同樂觀，相信有喜訊，政府唔會再拖延發牌。」
「𠵱家化咗」
另外，可頤參演的內地古裝劇《陸貞傳奇》十分受歡迎，她接受內地傳媒訪問時直言在內地拍劇比香港好，她說：「這次導演是香港人，我和劇組都很聊得來，他們還教我怎樣淘寶。」對於《金枝貳》被彈差過第一輯，可頤說：「這幾年宮廷戲太多了，觀眾的新鮮感漸失。」
採訪、攝影﹕魯萍
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！