「大霧」失婚之後再度成為鑽石王老五，早排佢係咁搵人約啲𡃁模出海玩，唔知係咪想搵新女友，之不過關仁聽其中一位去過嘅小花講，話對大霧一啲興趣都冇，因為佢已不復當年勇啦！
大霧成個人又肥又腫，上到船係咁飲酒，扮晒cool咁，喺船上面有六、七個靚女𡃁模，但冇一個肯主動同佢搭訕，反而同佢另外啲男性朋友玩，而大霧見啲女仔對佢冷淡又似乎冇乜反應，只係同啲男性老友係咁飲酒，飲到咁上下，開始暈暈哋，佢就叫鬆人，小花話大霧悶死人，難怪佢前妻頂唔順！
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！