李思捷主持的《玩嘢王》昨日在將軍澳電視城錄影最後兩集，有傳思捷終極「玩嘢」環節是與陳雅倫夾緋聞呃觀眾及傳媒，陳雅倫昨日亦現身錄影廠。思捷賣關子說：「講咗咪穿囉！想畀驚喜大家，我作為細佬送飲醉阿姐返屋企好正常。」問女友王宝宝會否介意？他說：「一向唔講私人嘢。」
問是否不敢整蠱汪明荃和鄭裕玲？他說：「反而最想整佢哋，我會扭橋，唔會令人尷尬。」不過思捷揚言今年不會添食，並說：「已經玩完！」
緋聞女主角陳雅倫透露與思捷認識廿年，不是拍拖，她說：「佢叫我幫佢整蠱人，嗰個大家都識，之前仲開過兩次會，覺得都幾好玩。」問到兩人在街頭親熱的雜誌封面是否都是整蠱？她扮傻說：「我唔明係講乜嘢。」
採訪、攝影：張俊銘
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！