【本報訊】開腦不比一般手術，因為它可以讓人軀殼無損地變成「另一個人」。原本聰明伶俐、成績優異的賴美鳳，16歲時患上腦癌，做完開腦手術後，記性差了很多，走路要用枴杖。大學夢和理想都幻滅了，她卻說因為病，令她看到「好多健康人留意唔到咁靚嘅嘢」，並寫成《我的美麗日記》。
現年30歲的美鳳，99年6月念中四時，上課期間突然暈倒，送院證實患腦癌「成神經管細胞瘤」。美鳳稍為回復知覺時，已在手術床上，見護士準備為她剃頭，微弱地驚叫，麻醉藥就生效，令她再度失去知覺。
兩度開刀 需用枴杖
蘇醒時美鳳插滿喉管和氧氣罩，她不斷哀求要出院，家人千方百計安撫她，哥哥對她千依百順：「有次阿姨帶雞精嚟探我，我飲咗一啖，好難飲！等阿姨走開，我逼阿哥飲埋佢，哈哈哈……佢飲到揦口揦面，笑死我！」
「開腦後連企都企唔到，要喺地度爬，護士打定輸數，叫我坐輪椅。」美鳳堅持每天練習，「日日跌倒又爬起，膝頭跌到又腫又瘀，家人勸我唔好練，我冇理」。學行一年，她終可正常走路。
02年美鳳重返校園，由英中轉讀中中，她重讀中四以適應。她每天放學後仍留校學習，但記性變差，要比別人多花一倍時間溫習；翌年會考7科全部及格，共得9分，06年副學士畢業。
08年厄運重臨，檢查發現腦內有陰影，要開腦確定是否復發，美鳳笑說：「我唔怕死，我賺咗好多年，死都無憾。」最後化驗顯示沒復發，但腦部再挨一刀後，活動能力更差，自此要用枴杖。
美鳳無懼癌魔，卻在乎別人的奇異目光，「有啲人出於關心，有啲係八卦睇你點行，有啲仲覺得係上世做錯嘢，呢世生癌」。兩次開腦後，美鳳說話緩慢，沒以前清晰，思考也沒以往靈活，雖具副學士學歷，但兩年來，做了十多份實習，也無法轉正職。
她以每分鐘10字的打字速度，寫成5萬字《我的美麗日記》，記錄抗癌路上的溫馨故事，兒童癌病基金資助出版，1,500本下月將免費派給學校、慈善機構，呼籲大眾包容癌症康復者。