【記者潘柏林報道】
前日飄色重頭戲原是「小貪湯」向中聯辦副主任林武送上曲奇餅，但曲奇餅在出發前離奇失蹤，隊伍遍尋不獲，惟有派膠鴨代替。但失蹤曲奇餅昨日原封不動出現在同一房間，更附送多一罐。飄色總監黃成就懷疑有人偷龍轉鳳，避免官員尷尬。他重申只想替市民發聲，經此一役，他更考慮將退休計劃延後，「我仲要挖多啲敏感嘅，仲轟動啲！」
69歲的黃成就素有「時事飄色王」之稱，曾創作「廿蚊張」、「江湖飯局」等熱門飄色。今年「吾湯吾水」直指湯顯明貪污事件。黃師傅更預早購買貪湯最喜歡用來送禮的「Jenny Bakery」曲奇餅，計劃送給飄色主禮嘉賓中聯辦副主任林武。飄色隊伍將曲奇餅放在櫃子裏，不過臨巡遊前曲奇餅竟然不翼而飛。
昨晨黃師傅卻在同一房間另一處發現曲奇餅，「我哋畀傳媒睇咗真係買曲奇餅，臨表演時不翼而飛，點搵都搵唔番，但好奇怪呢，今朝再摷有兩罐，無端端多一罐」。
飄色總監：要挖多啲敏感題材
他指曾有人勸他不要派曲奇餅，避免對主禮嘉賓造成壓力，「我諗係驚主禮嘉賓尷尬，梗係我哋會嘅有力人士，唔係邊個咁大膽偷龍轉鳳！」
黃師傅指送曲奇餅並無惡意，只想測試官員反應，更預料官員只象徵式拿一塊，想不到曲奇餅會「被失蹤」。
他感嘆近年飄色題材欠變化，「最可悲係人才凋零，點解幾十年前飄色都攞返嚟呢？點解唔自己創作諷刺時弊，幫香港市民發聲？」
儘管送餅變成送膠鴨，但貪湯飄色仍贏盡掌聲，市民均勸黃師傅延遲退休，「我盡我能力創作好嘢畀人欣賞，最敏感最精采係我哋，通長洲今朝已經話黃師傅冇得頂！」他笑言只要體力許可便會繼續創作，「我有機會繼續呢，我仲要挖多啲敏感嘅、仲轟動啲（題材）！」
長洲昨晨按傳統向市民派發平安包，太平清醮值理會主席翁志明強調，從不阻撓隊伍演繹時事題材，對曲奇餅失蹤並不知情。