一手樓銷售活動暫時欠奉，加上業主減價逐漸寬鬆，代理亦回防二手樓，料二手樓市場形勢趨向樂觀。根據地產代理上周末的調查，十大屋苑之二手註冊率先上升的原因之一，是部份業主擴闊議價空間，吸引部份買家入市，令交投回升；近期部份屋苑樓價回落，排首位的嘉湖山莊4月份最新實用面積平均呎價（以土地註冊處4月份註冊數字計算）為5,727元，按月回落約2%；第二位的沙田第一城實用面積平均呎價亦按月回落約4%，最新平均呎價為10,026元。
住屋需要唔驚得咁多
五千個白表可購免補地價居屋名額，首批中籤人士可於月底進入市場，令部份二手居屋交投反應踴躍。市場綠表買家上車態度積極進取，居屋成交量相對增加，對比上月中居屋成交量上升近兩倍多；而部份業主叫價亦進取，議價幅度相對減少。
點解這批客唔怕樓市仲會有下跌風險咩！老樓估計他們既然有自用需要，手上首期只可以轉購居屋二手，銀碼始終都細，200萬至300萬元月供萬零蚊應冇問題，既然有資格就唔好嘥，始終上唔到公屋都要上綠表居屋，首次買樓的經驗好重要，樓市吉凶未知，但攞嚟住的話都唔擔心得咁多。何況樓市難測，梁振英會唔會再出招難料，既然有剛性需求，計掂數咪上車囉，否則驚呢樣又驚嗰樣，永遠都上唔到車。
劉兆昌 資深地產傳媒人
http://www.HKLau.com