國際米蘭今季喺意甲聯賽成績麻麻，目前排名第9位，已經確定無緣下季嘅歐洲賽，更加係藍黑軍團14年嚟首次缺席歐洲賽場；而喺上周五，國米嘅少帥史查馬斯安尼更加獲頒發金貘獎。金貘獎係意大利國家電視台所製作嘅一個搞笑、諷刺、批判現實之類嘅獎項，一般係頒發畀近期最失意最倒霉嘅人，史帥都算黑仔喇。