朱玲玲、鄭文雅、王愛倫、楊思琦、曹敏莉、向海嵐和張嘉兒等，昨晚在尖沙嘴洲際酒店出席慧妍雅集「愛世界」慈善晚會，朱玲玲更漏口風踢爆兒子霍啟剛為人父秘密，其夫羅康瑞昨晚亦現身撐場。
朱玲玲新抱郭晶晶近日傳懷孕兩個多月，當事人封嘴避談，朱玲玲雖多番叫記者向兒子求證，但昨晚她仍雀躍說：「邊個做嫲嫲都會開心。」是否怕BB未滿三個月公佈怕小器，朱玲玲口快快說：「係囉！」事後又立即改口說：「唔係，佢哋咁大個，結婚生仔自己宣佈，你問番佢哋，我唔係佢哋代言人，生仔生女都無所謂。」
幫手玩孫
育有三子的朱玲玲明顯恨抱女孫，可想新抱生多少個？她說：「任佢哋，𠵱家做父母壓力好大，未必生好多。」屆時可會幫手湊孫，她說：「幫手玩。」又透露霍啟剛和郭晶晶不時香港和北京兩地飛，問可會提醒他們小心，朱玲玲說：「唔止大肚，平時都要小心。」熱愛攝影的朱玲玲沒打算替新抱影大肚寫真，但不排除給乖孫拍照。
記者昨日致電霍震霆，恭喜他家中有喜事，他未有拒絕更欣然接受，對於朱玲玲暗示晶晶懷孕未夠三個月，他說：「多謝你打嚟。」再問他是否未夠三個月所以未有公佈？霍震霆笑說：「多謝，我叫個仔打畀你啦。」然後掛線，未有確認是否將榮升爺爺。
另外，同場的人母楊思琦博到盡谷爆34C咪咪，她早前因參演舞台劇而瘦了，幸好上圍沒有縮水，她說：「我仲有埋『老鼠仔』。」對於倒奶造型，楊思琦續說：「我嘅係夏威夷主題。」陳法蓉也低胸上陣，她說：「我嘅造型本來仲有頂帽，但怕影大合照時，企前面會遮住人，所以冇戴。」
陳法蓉透露剛由上海拍劇後回港，問到無綫可有邀她回巢拍劇，她說：「無綫冇聯絡，反而王維基有叫。」陳法蓉自爆雖沒拍拖，卻追求者無數。懷有第二胎男嬰的曹敏莉則說：「預產期喺9月，生仔生女係一種緣份，暫時我都唔會暫停工作」
採訪：王崇穎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！