珍惜當下，必須及時行樂，是鍾麗緹的生活態度。
相信愛情，兩度結婚，可惜離婚收場。因為喜歡孩子，生了三個可人兒，15歲大女Yasmine亭亭玉立，已經有男朋友；二女Jaden四歲半，見到帥哥會雙眼放電；三歲孻女Cayla是家中小寶貝，Christy雖然婚姻失敗，獨力撐起一頭家，擁有樂天開朗性格的她，卻活得比誰都快樂。
42歲的鍾麗緹依然自信自我，身上溢出一股強大正能量，臉上掛着招牌式性感微笑，她用半鹹不淡又抑揚頓挫的廣東話說：「Enjoy your life！我唔知聽日或者十年後會發生乜嘢事，我希望做嘢好努力，玩好努力，愛好努力，要enjoy呢個moment everyday！」
眼前「正」力充沛的鍾麗緹，魅力依然。
撰文：楊潔雯
猶記得1998年鍾麗緹事業如日方中，她突然拉手掣煞停，跟外籍男子Glen Ross結婚誕下女兒Yasmine，四年後離婚，之後跟台灣音樂製作人嚴錚結婚，誕下兩女Jaden和Cayla，離婚後Christy堅持撫育三個女兒，無怨無悔，她說：「每個人批評我，唔通我要永遠唔開心？最緊要自己清楚，唔好後悔。」
靠女慰藉心靈
Christy鼓勵一眾失婚婦人道：「個個都可以做到，最緊要唔好fear。要believe yourself，be confident，唔可以自己stop自己，話自己太老冇錢，人生乜都做得到，最近我仲發現一樣嘢好重要，就係power of thinking，think positive，呢個係好神奇，真係會發生，好似我諗到想要啲嘢，好快就會有，我鍾意酒店做spa，之後助手就話澳門酒店請我去活動，我又可以做spa喇！有日諗落雪，之後真係落雪，所以be care what you wish for，心想事成，你諗好嘢會有，諗唔好嘢都會嚟。」
三個女兒Yasmine、Jaden和Cayla成為Christy的精神支柱，一提起三個寶貝，母愛如江河決堤，Christy母兼父職，照顧三名女兒身心健康，她說：「呢幾年工作多數係剪綵，登台唱歌，做代言人同埋出席活動，去兩三日拍廣告或者同佢哋一齊去住一兩日酒店，家姐有時幫手照顧妹妹，最主要係有個好好嘅阿姨保母，有時做嘢好攰，返去見到佢哋就好開心。」
Christy隨手在手提電話按一按喇叭鍵，跟大家分享一段錄音，耳邊傳來一把嬌嗲小女孩的聲音說：「媽媽我好愛你呀！」重複聽過無數次的Christy，面上依然是甜絲絲的，她說：「係細女，成日鍾意學我講嘢，平時我哋會講國語，有時我同朋友講廣東話佢又跟我講，真係好得意。」
擇偶買一送三
Christy長女Yasmine不經不覺15歲，已步入青春期，她說：「大女好乖，好活躍，又彈琴又玩softball去上海比賽，佢唔鍾意講嘢，但係會同我傾偈，佢拍緊拖，個男仔好單純，一齊做功課，返學食嘢喺屋企同小朋友玩，我會問佢性方面嘅嘢，佢話：『媽，我哋都冇諗呢啲㗎！』我同佢講要35歲先結婚，哈哈！大女我唔擔心，反而擔心第二個女，佢四歲半呀！見到靚仔就眼甘甘，5歲、15歲、45歲都係靚仔，佢就話：『你好帥呀！』喺度放電，真係擔心，不過可能佢咁細所以好奇喇！」
熱情如火又是性感尤物，Christy自信不會無人問津，只是一切順其自然：「我冇放棄，我係浪漫嘅人，我好熱情，所以呢啲唔擔心，個天會安排。」她更打趣說：「唔知有冇人介意呢？中國人？外國人？哈哈！買一送三，好抵呀！」
場地：港島海逸君綽酒店
化妝：王奕為（ON TIME）
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！