陷於出局邊緣嘅紐約人，終於喺NBA季後賽東岸第2圈第5戰主場出擊，打番場爭氣波，以85:75擊敗溜馬，追成2:3，避免提早放暑假；「甜瓜」安東尼發威，幫紐約人攻入28分。溜馬原本都唔係好擔心，事關周六主場對紐約人贏波都可以晉級，但最擔心係佐治希爾因腦震盪呢場冇打，另一後衞L史堤軒臣第4節又扭傷膝部，兩人下場都唔知出唔出得。