趙碩之、甄詠珊等前晚去藝術中心欣賞舞台劇，之前趙碩之同公司有合約糾紛，佢前晚就話問過律師意見，佢係可以繼續接工作，佢就話：「自己接，反而接多咗嘢，我唔明佢（指老闆林建名）唔高興啲乜，佢唔高興應該話畀我知，開會等如冇開，都幾失望。」問到之後會唔會繼續行性感，佢話一定要健康嘅性感，如果拍三級片要佢做殺人狂，佢就可以接受，但如果係色情就要過濾，亦都會因應班底先做。