孟瑤噚日到新城接受訪問，佢透露嚟緊會客串葉念琛新戲，仲會同小肥扮演一對㖭。雖然佢已經結咗婚又生埋BB，但係老公對佢復出都冇詐型，就連佢性感都冇所謂。對於安琪蓮娜祖莉（Angelina Jolie）自爆割乳防癌，身材豐滿嘅孟瑤就話大約5年前拍《我老婆係賭聖》時，都發現自己生咗纖維瘤，後嚟觀察半年，最終都係施手術切咗佢，仲話自己都會考慮效法安琪蓮娜祖莉，因為健康始終最重要喎。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！