何韻詩及黃偉文（Wyman）等前晚現身中環ifc的Givenchy時裝店開幕活動，阿詩日前在北京跟《賈寶玉》劇組慶祝36歲生日，緋聞女友鄧九雲也有同場。
記者取笑阿詩跟喜歡的人過生日特別開心，她笑言：「成班都似屋企人，佢係其中一個。」早前有變性人在港爭取婚姻權利獲勝訴，問她會否考慮變性，阿詩表示：「你啲問題咁古怪，性取向同變性係兩碼子嘅事，自己好proud of女人身份，係鍾意女性，絕對冇諗過變性。」
對於爭取同性婚姻合法化，阿詩表示：「當然想，一步一步嚟，自己本身有加拿大籍，想結婚可以飛去，𠵱家反而最想領養小朋友，喺香港同性唔可以領養，單身更難，不過都想自己生小朋友，都會考慮人工受孕。」問她會否考慮向友人借種，她笑言：「Wyman同青峰（蘇打綠主音）都想，要朋友鍾意先。」
阿詩昨日在微博重提記者「變性」提問，她表示：「我聽完差點整個暴斃在地上。拜託告訴我這種謬誤並不是當今大眾裏普遍的。」
採訪：譚倩宜
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！