除咗愛華頓，車路士同日亦搞咗年度球員頒獎晚會，結果西班牙中場桑馬達當選藍戰士足球先生兼球員先生，佢喺晚宴上話贏完歐聯同歐霸盃後，下季就要捧埋英超。至於巴西中場奧斯卡杜斯山度士，就憑歐聯分組賽對祖記球遠射，贏得全季最佳入球獎；剛續約一年嘅英格蘭中場林柏特，就獲頒發特別成就獎。