作為宅男心目中的「雙黃」BB，當然也要緊貼潮流，對於麥當勞昨日率先推出黑白漢堡，23歲的黃美棋和80歲的黃夏蕙搶先試食，她們分別蒙眼試食黑白漢堡和傳統漢堡，在大測試下，美棋BB最精靈全中。
美棋BB特別以黑白連身裙到旺角街頭挑戰味蕾，她先後試吃三款漢堡，全部估中，她興奮得手舞足蹈，食完又得戚擺出舔舔脷甫士說：「我間唔中都食快餐，一試就中晒。」參與試食的途人大多分不出黑白漢堡，偏偏美棋BB一試即中，她說：「因為我知黑漢堡嘅包皮係用墨魚汁整，所以食到有啲海鮮味。」美棋BB透露自己愛入廚，她說：「我鍾意煮意粉，得閒會煮畀屋企人食。」她邀請途人試食估包，有男粉絲更被美棋BB迷暈到估錯晒。
黃夏蕙孖辮出擊
而紮孖辮仔的夏蕙BB昨午冒雨到銅鑼灣參與試食，她把黑白漢堡調轉，只估中傳統漢堡，夏蕙BB事後表示最愛吃白漢堡，測試完即馬上把它KO落肚，她懶理儀態當街喫包，夏蕙BB說：「包皮好軟，真係好好味。」其間有騎呢中坑搭訕，夏蕙BB分甘同味，遞上手上另一個黑漢堡，兩人還合巹交包。
採訪：比華利
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！