楊秀惠今次有幸加入《金枝》劇組，飾演關禮傑的妻子章映琴，相對劇中演員，楊秀惠演技絕對是幼嫩，拍攝時難免感到壓力，單身的她要夥拍現實中已為人父，且演技熟練的關禮傑演夫妻，擔演那種背後女人的內心戲，秀惠第一個想到是請教媽咪，她說：「我問阿媽陀住我時情緒係點，點知阿媽答我好開心，因為當時乜都唔識。」最終還是要靠自己揣摩，秀惠坦言未試過擔演如此成熟角色，要由人妻開始，道出女人一生經歷。
懷孕吸食鴉片
劇集收視未如理想，其中被狠批是苟芸慧的廣東話對白令人反感，反而平時有一口大馬鄉音的秀惠卻沒有被觀眾投訴，她說：「已經好盡力去發音，人哋教我要自然啲講，套劇出街後，觀眾反應係大家都估唔到楊秀惠可以拍古裝，對白可以令人咁舒服，我唔係最完美最好嗰個，但至少對白講出嚟唔算好『哽』耳已經好好。」劇情稍後會交代秀惠會懷孕又吸食鴉片煙，秀惠口中形容一切因為愛字，劇情似乎與現實起矛盾，秀惠仍在賣關子，她希望大家繼續欣賞下去，自有分曉。
撰文：卓寶花
服裝：AOLISHA by Kev Yiu、Ted Baker
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！