娛樂大亨「木頭」喺政府謀咗一官半職，新官上任當然要幫自己省招牌啦，關仁聽聞佢想喺紅館搞個騷，搵齊四大金剛做號召吸引觀眾入場，事關四大金剛好多年冇喺台上合作，憑佢哋四個人喺樂壇獨當一面嘅地位，如果真係搞得成呢個騷，的確夠晒轟動同架勢，不過有二五話畀關仁知，「金牛」嫌橋舊冇新意，竟然唔肯一齊玩，金牛份人咁有性格，佢say no真係冇人勸得佢掂，當堂令木頭好冇癮，打唔響呢個如意算盤，佢𠵱家都好頭痕，都唔知請邊個歌手可以頂替四大金剛嘅位置。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！