《金枝慾孽貳》由製作至推出，觀眾都寄予厚望引頸以待，以為可以延續上輯《金枝》威勢，可惜事與願違，收視低開，昔日劇力萬鈞威勢不再，主角鄧萃雯對被指跳船置身事外，餘下一班新舊《金枝》演員力挽狂瀾谷收視，齊心營救沉船。關禮傑預告「唔止鬼混咁簡單」，黃德斌亦力撐到底。
撰文：卓寶花
黃德斌是監製戚其義御用班底之一，在無綫多年二人合作無間，今次在舊有班底中擔演《金枝慾孽貳》中一位術數師佟吉海，在幕前演出時，見到德斌凡事為了術數瘋瘋癲癲，他說：「個角色講我係儍儍哋，終日沉迷術數，等待轉機。」瘋癲角色對比起上輯《金枝慾孽》他演的小祿子大相逕庭。
原以為劇集起用新舊班底貫穿能再起風雲，觀眾亦抱以期望，無奈收視偏低，被狠批劇情沉悶、難以理解，德斌呼籲觀眾煲劇不要過急，他說：「初時要交代角色，觀眾難消化，今次係講社會人性一面，正如現實網絡世界造假一樣，同《金枝》第一輯唔同，如果一樣劇情冇必要開第二輯啦，今次係同上次有相關而唔一樣嘅紫禁城，大家要放低《金枝》第一輯去睇，好戲在後頭。」
望與阿戚再合作
德斌傾力硬撐劇集和監製屬有情有義，阿戚是德斌的伯樂，德斌97年重回無綫後，第一部接拍阿戚監製的《天地豪情》後，由跑龍套、閒角、再躍升到配角，不少阿戚監製的金牌作品都有份參與。
德斌更憑阿戚監製的《火舞黃沙》宋東陽一角於06年萬千星輝頒獎典禮獲最佳男配角，之後獲無綫賞識，知名度與日俱增，如今阿戚雖然離開無綫，但德斌仍期望再有合作機會。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！