帝王去留問題就好似元祖級港劇《真情》咁，千幾集都死唔斷氣；不過日前終於都上演大結局。雖然帝王班主早前出口術，話自己只會賣手上股份畀西雅圖財團，但係周三聯盟30位班主開會，最後投票否決帝王搬去西雅圖嘅計劃，留番喺薩市。帝王球迷當然開心，但希望超音速再現聯盟嘅西市球迷，就難免會失望喇！