郭富城和熊黛林（Lynn）七年情告終後，Lynn日前接受內地傳媒訪問暗示城嫂不易做，前晚城城到尖沙嘴出席《聖誕玫瑰》首映禮時，一聽舊愛Lynn的名字，即嚴肅表示不想再回應有關Lynn的報道。
對於Lynn指七年來受盡委屈，城城即說：「唔回應嘞，既然告一段落，希望大家明白體諒，我都知好多報道，會喺訪問上面有機會斷章取義，有機會扭曲事實，無論係點都好，阿Lynn喺我心目中都係一個好朋友。」
日前城城做孝順仔拖母親慶祝母親節，對於郭母是否心急催他早日結交女友，城城笑說：「媽媽一直唔會講呢啲嘢，我唔係小朋友，佢知我係工作狂，好多嘢有得有失，人生就係咁，佢有外孫更加唔會催我，好彩我有咁體諒我嘅媽媽。」
莫文蔚避見舊愛
城城自言戥首次執導的楊采妮（Charlie）開心，自己亦有興趣做導演，他說：「或者搵楊采妮做都唔出奇，我都講笑話如果係我部戲，佢一定唔會做淑女，會係大家冇見過，我鍾意將演員潛質釋放出嚟，我會係改進演員嘅導演。」
同場的莫文蔚匆匆到場支持Charlie，她與舊愛馮德倫巧合同場，但兩人迴避碰面，馮德倫待莫文蔚離開後又離奇現身，但莫文蔚否認刻意避舊愛，強調見面不會尷尬，她說：「No，諗多咗，我咁大方得體。」下周四是Charlie的39歲生日，《聖》片在星馬、台灣及香港都會在當日上映，Charlie直言希望票房好。梁詠琪則大讚好友新作，更提議四姊妹開拍一部打麻雀的電影。
另外，任達華曾與安琪蓮娜祖莉合作電影，對於安琪蓮娜切雙乳防癌，他自爆已第一時間以email聯絡她的保鑣，又大讚她是完美女神。
採訪：溫敏芝
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！