好多香港人都擔心H7N9禽流感幾時殺到香港，但楊婉儀（Winnie）似乎冇有怕，早前喺有線節目《食德好．最佳女煮角》做嘉賓，親自去街市買新鮮雞，煮富貴雞畀老公王瑞勳同老爺王登平品嚐。老爺大讚Winnie廚藝有專業水準，當Winnie講解點煮嗰時，老爺突然插嘴﹕「哦，原來真係你煮，我以為喺舖頭買返嚟。」王瑞勳亦讚老婆200分，𠱁到Winnie鬼咁開心。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！