劇集《金枝慾孽貳》除了娘娘、宮女和太監之爭外，新焦點莫過於關禮傑有份演的辛和班，他今次玩突破演戲班花旦雲秋玹，雖然拍攝時接受專人指導，奈何要堂堂男子漢擔演戲班花旦，實在難以拿捏，儘管造型被取笑品評，關禮傑樂於接受挑戰，還笑說：「我太太都戥我唔抵呀，話啲人覺得我扮得唔夠靚，好彩囡囡永遠都係我fans，乜都捧我場。」
「唔係鬼混咁簡單」
戲班生活對關禮傑而言是一竅不通，要由零開始學習，他說：「自己連粵曲都唔識啦，戲入面係以昆曲包裝，戲班為主題，我明白有缺點，唔能夠盡善盡美，自己初時都抗拒好難投入，𠵱家效果叫做合格啦。」
劇中關禮傑與楊秀惠飾夫妻，兩人均是新加入劇組，日前一幕戲是關禮傑背妻召妓，劇情變化起伏，關禮傑說：「唔係同宮女鬼混咁簡單，好有話題，仲會同秀惠一齊吸食鴉片煙。」
關禮傑與無綫保持部頭約關係，近年簽了幾部無綫劇，他坦言想在無綫拍一部代表作，還說：「以前無綫用人係後生嗰輩，𠵱家有得競爭，大家機會平等咗，唔係以前返嚟撐場咁。」
撰文：卓寶花
服裝：Calvin Klein Jeans
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！